Тухайн үед Хенри нийт 28000 ам.долларыг 12 хөрөнгө оруулагчаас авч байжээ. Тэдний дунд ах, дүү Жон ба Хорис Додж нар байсан бөгөөд тэд сүүлд өөрийн гэсэн автомашин үйлдвэрлэдэг компанитай болцгоосон юм. Үйлдвэр байгуулагдсаны дараах эхний он жилүүдэд “Форд” компани Мичиган хотын Мак өргөн чөлөөнд байрлах өөрийн үйлдвэртээ өдөрт ердөө цөөхөн хэдэн л автомашин үйлдвэрлэж байв. Хоёр гурваараа баг болсон ажилчид бусад компанийн захиалгаар машин тус бүрийн эд ангийг тусгайлан хийдэг байжээ. Хенри өөрийн бизнесийг өргөжүүлж, “Форд Мотор” компанийг байгуулах үед тэрээр 40 насыг зооглож байв. АНУ-ын их хямралын үед хөл дээрээ зогсож чадсан цөөхөн хэдэн компаниудын нэг нь яахын аргагүй “Форд Мотор” байсан юм. Өдгөө “Форд Мотор” дэлхийн хамгийн их ашиг орлоготой компаниудын нэг төдийгүй үе залгамжлан 100 гаруй жил дэлхийн автомашин үйлдвэрлэгчдийн эгнээг тэргүүлж яваа билээ.
0 Сэтгэгдэл:
Post a Comment